更新时间:2020-01-19

天作谜案:天作謎案：具備周末觀賞性、無悶場的印度電影

本著外語片能夠打入大陸電影圈就唔多係爛片，仲要係印度片本身就少之又少。人生周六下午幾個precious hours 我貢獻了給《天作謎案》。大劇情圍繞一個double murder 巧合地同時發生，警方要係兩套矛盾的口供中找出真相。
故事引人入勝，層層遞進。除了結局為左開估，男主角一輪嘴劇透犯案手法，搞爛左個結局之外，整套電影無乜悶場。節奏尚算明快，沒有拖沓。線索和真相的浮現屬於合理的自由發展。
本案的關鍵，對於我來說是，作家（男主）殺律師（女主老公）無合理動機。當然，純粹係偶然+自衛，這並非不可能，但就構成比較水的電影劇情。結果律師原來同作家老婆有關係，打算一齊告作家，這尚算反轉劇情中合理走位（變相不太合理的是一個英國作家在印度城市逃離警察街頭狂奔，然後還能走到律師家，最終有機會殺死律師）
OK 有google map 好合理。但車禍現場同律師家足夠近？OK 本身佢就係去緊律師家，所以出車禍個陣已經係walking distance。咁佢去律師家咁啱律師夜晚會番來然後殺到就係Ittefaq。
這套電影的社會意義在於，印度普通警察的無能。成套戲除了警官，就都只有警官係用緊腦。Well 第二有用就係法醫，不過佢都漏左查overdose。所以，三日靠一條友「破到案」都算係咁。香港至少西九龍重案組有一兩個team member 有腦去查下野。又或者Delhi police 呢套Netflix 戲裏面，幾條友可以獨立行事。Ittefaq 的孟買警察就真係傻下傻下咁。（當然唔敢肯定是否屬實）
Delhi Police 到了中段受到媒體和政治影響，上頭重視施壓+媒體影響查案呢個Point 拍得好好。Ittefaq 中間有零碎大幾個shots似乎有類似圖謀，但效果就強差人意，可能唔要仲好，無乜必要強行形成查案邏輯閉環。（不過Delhi Police 係電視劇，可用時間係多唔少）
查一查導演，發現原來係阿孫，翻拍爺爺1965的大作。一方面同意翻拍是讓好劇本重光，但另一方面就覺得，過左咁多年都無新原創？咁乏善可陳？
總體來說，係一套有周末觀賞性的電影。